How to make PCB (របៀបផលិត PCB)

Sok Chenda Chea

សម្រាប់ការសិក្សាក្នុងវិស័យអេឡិចត្រូនិច និស្សិតត្រូវមានការយល់ដឹងពីសមាសធាតុចម្បងមួយចំនួនដើម្បីឆ្ពោះទៅកាន់វឌ្ឍនភាពនៃការប្រើប្រាស់ជំនាញរបស់ខ្លួនប្រកបដោយភាពច្នៃប្រឌិត។ 

ចំណុចដែលអ្នកសិក្សាត្រូវផ្ដោតការយកចិត្តទុកដាក់នោះមានដូចជា៖

• ការសិក្សាពីលក្ខណៈនៃគ្រឿងបរិក្ខាអេឡិត្រូនិច 
• ការសិក្សាពីលក្ខណៈមូលដ្ឋាននៃតំណសៀគ្វីអេឡិត្រូនិច 
• ការរចនាសៀគ្វី
• ការសិក្សាពីលក្ខណៈមេកានិចនៃសៀគ្វី
• និងការរចនាផ្ទាំង PCB ជាដើម។ 

ខាងក្រោមជាជំហានដែលអ្នកអាចចាប់ផ្ដើមក្នុងការបង្កើតសៀគ្វីបានដោយខ្លួនឯង៖ 

ជំហានទី ១ ៖ ប្រើប្រាស់កម្មវិធីដើម្បីរចនាសៀគ្វី និងផ្ទាំង PCB 

Schematic L298

PCB L298

ជំហានទី ២ ៖ បោះពុម្ពផ្ទាំង PCB 

• ប្រើប្រាស់ក្រដាសរលោង
• ប្រើប្រាស់ម៉ាស៊ីនបោះពុម្ពប្រភេទម្សៅ (Laser Jet)

Printed PCB

ជំហានទី ៣ ៖ កាត់ផ្ទាំង PCB 

• ត្រួតពិនិត្យមើលទំហំ PCB (ប្រើប្រាស់ Dimension Mode)
• សម្អាត PCB ឲ្យបានស្អាត និងភ្លឺល្អ

PCB Cutting

Piece of PCB and Printed Paper

 ជំហានទី ៤ ៖ អ៊ុតផ្ទាំង PCB

• ដាក់ក្រដាសដែលបានបោះពុម្ពរួចលើផ្ទាំង PCB ដែលបានសម្អាត
• ប្រើឆ្នាំងអ៊ុត ឬម៉ាស៊ីនអ៊ុត 

Iron Plotting

ជំហានទី ៥ ៖ សម្អាតក្រដាសដែលបានអ៊ុតរួច

• យក PCB ដែលបានអ៊ុតរួចទៅត្រាំទឹក
• បកក្រដាសដែលបានអ៊ុតរួចនោះដោយប្រុងប្រយ័ត្ន 
• ត្រួតពិនិត្យ Trace ឲ្យបានត្រឹមត្រូវ ជៀសវាងការដាច់ 
• ករណីដាច់ Trace ត្រូវប្រើ Permanent Marker ដើម្បីជួស

Removed Printed Paper

ជំហានទី ៦ ៖ កាត់ PCB ដោយប្រើប្រាស់អាស៊ីត

• ដាក់អាស៊ីត (Ferric Chloride power ) ២ ទៅ ៣ ស្លាបព្រាលាយជាមួយទឹកក្ដៅ
• យក PCB ដែលបកក្រដាសចេញ និងត្រួតពិនិត្យរួចទៅាដាក់ក្នុងអាស៊ីត
• រងចាំរយៈពេលប្រហែល ៣០ នាទី (អាស្រ័យទំហំ PCB)
• ស្រង់យក PCB ដើម្បីត្រួតពិនិត្យ​នូវរាល់ Clearances  ដែលត្រូវបានស៊ីដោយអាស៊ីត
• ករណីអាស៊ីតកាត់មិនអស់ ត្រូវសម្អាតបន្ថែមដោយប្រើប្រាស់ចុងកាំបិតចុងស្រួច

Acid Interaction 

ជំហានទី ៧ ៖ ដំឡើងគ្រឿងបរិក្ខា

• ប្រើប្រាស់អូមម៉ែត្រត្រួតពិនិត្យភាពត្រឹមត្រូវនៃ  PCB
• ដាក់ និងផ្សារគ្រឿងបរិក្ខាតាមទីតាំង និងតំណឲ្យបានត្រឹមត្រូវ 
• តេស្តសៀគ្វីសម្រេច។ 

Follow me:

YouTube: Sok Chenda Chea

Facebook : Chea Sokchenda

Twitter:  Chea Sokchenda